Сёння Дзень памяці воінаў-інтэрнацыяналістаў.
Аддаць даніну павагі зямлякам, якія да канца выканалі свой грамадзянскі абавязак, сабраліся вучні і настаўнікі ДУА "Чалюшчавіцкая сярэдняя школа".
Беларусь заўсёды будзе памятаць салдат і афіцэраў, якія прайшлі праз суровыя выпрабаванні, праявілі самаадданасць і адвагу ў гарачых кропках планеты. Тых, хто прыняў на сябе ўдар міжнароднага тэрарызму. Кошт гэтага жорсткага супрацьстаяння - тысячы жыццяў маладых хлопцаў, рэкі слёз зломленых горам маці, удоў і дзяцей. Памяць аб страце назаўжды застанецца незагойнай ранай для беларускага народа. Мы бясконца ўдзячны лёсу за кожнага воіна, які вярнуўся дадому. Рады за ўсіх, хто знайшоў свой шлях у мірным жыцці. З'яўляючыся ўзорам мужнасці і гонару, воіны-інтэрнацыяналісты сталі сімвалам вернасці прысязе і воінскаму абавязку. Вамі ганарацца ветэраны Вялікай Айчыннай вайны, на вас раўняецца маладое пакаленне.
