АКЦЫЯ «У ЦЭНТРЫ ЎВАГІ - ДЗЕЦІ» СТАРТУЕ З 16 ЖНІЎНЯ
16 жніўня стартуе рэспубліканская акцыя МНС «У цэнтры ўвагі дзеці», прымеркаваная Дню ведаў. У гэтым, як і ў мінулым годзе, акцыя пройдзе ў 2 этапы. Першы будзе доўжыцца з 16 па 31 жніўня і пройдзе ў месцах продажу школьных тавараў. Работнікі раённага падраздзялення МНС нагадаюць бацькам і школьнікам пра важнасць выканання правілаў бяспекі. У дапамогу тэарэтычным ведам - практычныя конкурсы, гульні, лагічныя заданні. Тым больш што за паспяховае праходжанне заданняў бацькам і дзецям належыць невялікі прыз.
У другім этапе акцыі з 1 па 10 верасня будуць ахоплены ўсе суб'екты прафілактыкі, бо ён пройдзе па планах акцыі "Адзіны Дзень бяспекі». Закране акцыя ўстановы адукацыі, працоўныя калектывы, месцы масавага збору людзей. Работнікі МНС у цеснай звязцы з іншымі зацікаўленымі арганізацыямі правядуць прафілактычныя мерапрыемствы, накіраваныя на папярэджанне гібелі людзей ад знешніх прычын, у тым ліку - і ад пажараў.
